«КИЛСЕ КУРĂР ХĂНАНА, ХАПĂЛ ТĂВĂР ЙЫХРАВА!» ВИДЕОРОЛИКСЕН КОНКУРСĔН ÇĔНТЕРӲÇИСЕМ ПАЛЛĂ
«Килсе курăр хăнана, хапăл тăвăр йыхрава!» видеороликсен конкурсĕ иртрĕ. Унăн республика шайĕнчи тапхăрне республикăн 17 муниципалитет округĕнчен, Шупашкар хулинчен, Чĕмпĕр облаçĕнчи Димитровград тата Чĕмпĕр хулисенчен, Пушкăрт Республикин Пишпӳлек тата Авăркас районĕсенчен, Тутар Республикин Çĕпрел районĕнчен пурĕ 33 ĕç килчĕ. Вĕсенче 7-8-мĕш классенче вĕренекен 48 ача пултарулăхне кăтартнă.
Конкурс тĕллевĕ – пĕтĕмĕшле пĕлӳ паракан организацисенче вĕренекен ачасен гражданин тата патриот ăс-хакăлне йĕркелени, вĕсене çуралнă вырăна, Тăван çĕр-шыва юратма, унăн культура тата истори эткерлĕхне хисеплеме вĕрентни, тăван тавралăхăн сумлăхне ӳстерни, пурăнакан вырăна упрас тата аталантарас туйăма вăйлатни, кӳршĕсемпе килĕштерсе пурăнма хăнăхтарни, чăваш чĕлхине, Чăваш Ен историйĕпе культурине тĕпчес кăмăла сыхласа хăварса аталантарни, çавăн пекех видео ӳнерĕ урлă вĕренекенсен пултарулăх потенциалне аталантарма тата пурнăçа кĕртме майсем туса пани.
Конкурса ярса панă кăçалхи ĕçсен тематики анлă пулчĕ: пĕрисем Шупашкара килсе курма чĕнчĕç, теприсем тăван округăн паллă вырăнĕсемпе паллаштарчĕç, виççĕмĕшсем тăван тăрăхпа паллаштаракан музей пуянлăхĕ çинчен каласа кăтартрĕç т.ыт.те. Роликсенче ӳкерĕннĕ ачасем чăвашла таса калаçни, хавхаланса, илĕртӳллĕ каласа кăтартма пĕлни, паллă вырăнсене хăйсем кайса курса фото е видео ӳкерни савăнтарчĕ.
Жюри çĕнтерӳçĕсемпе призёрсене палăртрĕ:
|
Конкурса хутшăнаканăн хушамачĕ, ячĕ |
Вĕренӳ организацийĕн ячĕ |
Пĕтĕмлетӳ |
|
Шамбулина Наталья |
Тăвай округĕн Чутей шкулĕ |
1-мĕш вырăн |
|
Патшина Татьяна |
Елчĕк округĕн Аслă Елчĕк шкулĕ |
1-мĕш вырăн |
|
Рыбкина Ксения |
Патăрьел округĕн Тури Туçа шкулĕ |
2-мĕш вырăн |
|
Иванова Виктория |
Куславкка округĕн Энтри Пасар шкуле |
3-мĕш вырăн |
|
Александров Степан, Федорова Елизавета |
Тăвай округĕн Тăвай шкулĕ |
1-мĕш вырăн |
|
Машорова Марина |
Куславкка округĕн Елчĕк шкулĕ |
2-мĕш вырăн |
|
Мартынова Вероника, Васильева Валерия |
Шупашкар округĕн Тренкасси шкулĕ |
2-мĕш вырăн |
|
Васильева Анастасия |
Вăрмар окугĕн Çĕнĕ Кинчер шкулĕ |
2-мĕш вырăн |
|
Ермеева Дарья |
Хĕрлĕ Чутай округĕн Мăн Этмен шкуле |
3-мĕш вырăн |
|
Иванова Елизавета |
Елчĕк округĕн Çĕнĕ Пăва шкулĕ |
3-мĕш вырăн |
|
Дойников Николай |
Шупашкар хулин 33-мĕш шкулĕ |
3-мĕш вырăн |
Çĕнтерӳçĕсемпе призёрсен дипломĕсене Чăваш Республикин вĕренӳ институчĕн регион аталанăвĕн центрне пырса илмелле. Конкурса хутшăннă ачасене сертификат парса хавхалантаратпăр. Çак каçăпа куçса уçласа илме пулать: https://cloud.mail.ru/public/DMc3/mzCz6Vdmk.
Çĕнтерӳçĕсен ĕçĕсемпе çак каçăсемпе (ссылкăсемпе) кĕрсе паллашма пулать:
https://cloud.mail.ru/public/eSoD/JJJbeT6e2
https://disk.yandex.ru/d/e-uMIR-tzcoL4w
https://disk.yandex.ru/i/_NIbJY4KdT4xgw
Йĕркелӳ комитечĕпе çыхăнмалли мелсем:
Телефон 8(8352) 584-522 (хушма номер: 143) – регион аталанăвĕн центрĕ
E-mail: chrio18@rchuv.ru