Чăвашла сочинени çырма хатĕр-и?
Чăваш Республикин вĕренӳ министерствин хушăвĕпе килĕшӳллĕн Чăваш Республикин вĕренӳ институчĕ 9-11-мĕш классенче вĕренекенсен сочинени конкурсне ирттерет.
Кăçалхи конкурса Раççейри кил-йыш çулталăкне тата Чăваш Енри экологи культурин тата çут çанталăкпа перекетлĕ усă курнин çулталăкне халалланă. Çавна май сочинени çырма икĕ тема сĕннĕ: «Çемье – шанчăклă тĕрек», «Планета пуласлăхĕ – пирĕн алăра».
Сочиненисене чăвашла çырмалла.
Конкурс икĕ тапхăрпа иртет:
1-мĕш тапхăр – 2024 çулхи авăн уйăхĕн 20-мĕшĕччен пырать.
Ку тапхăра район е хула администрацийĕн вĕренӳ пайĕсем ирттереççĕ. Ку шайри çĕнтерӳçĕсемпе призёрсене палăртаççĕ.
Районта тата хулара çĕнтернĕ ачасем çинчен сведени (заявка) сочинени тексчĕпе пĕрле йĕркелӳ комитетне 2024 çулхи авăн уйăхĕн 25-мĕшĕччен chrio18@rchuv.ru адреспа ярса памалла.
2-мĕш тапхăр – 2024 çулхи юпа уйăхĕн 4-мĕшĕччен Чăваш Республикин вĕренӳ институтĕнче иртет. Фестивалĕн 2-мĕш тапхăрне хутшăнма районта/хулара çĕнтерӳçĕ ятне илнĕ ачасене ирĕк параççĕ. Жюри ĕçсене хаклать, конкурс çĕнтерӳçисемпе призёрĕсене палăртать.
Конкурс çинчен тĕплĕнрех Чăваш Республикин вĕренÿ институчĕн сайтĕнче http://chrio.rchuv.ru/ пĕлме пулать.
Оргкомитетпа çыхăнмалли мелсем:
Тел. 8(8352)58-45-22 доб 113.
E-mail: chrio18@rchuv.ru ; chrio6@mail.ru