Пĕтĕм чăваш диктантне çырма хатĕрленер-и?
Чăваш халăхне ҫутта кăларнă И.Я. Яковлев ҫуралнăранпа 175 ҫул ҫитнине, Раççей Федерацийĕн педагогпа ăс паракан ҫулталăкне тата Чăваш чĕлхи кунне халалланă «Пĕтĕм чăваш диктанчĕ – 2023» акции ака уйăхĕн 26-мĕшĕнче иртет.
Тĕрĕс çырмалли правилăсене аса илес текенсем валли Чăваш Республикин вĕренӳ институтĕнче занятисем (консультацисем) ирттеретпĕр:
– ака уйăхĕн 20-мĕшĕнче 301-мĕш аудиторире 14.00 сехетре кĕрет мелпе;
– ака уйăхĕн 21-мĕшĕнче 14.00 сехетре инçет мелпе. Консультацие хутшăнмалли ссылка: https://moodle-chrio.ru/b/ahg-p5a-a0g-xvx
Орфографипе пунктуацин тĕп правилисене аса илер, тĕрĕс çырма хăнăхар!
Пĕтĕм чăваш диктантне хастар хутшăнса хамăр чăваш пулнине палăртар!