Иван Яковлевич Яковлев çуралнăранпа 175 çул çитнине, Раççей Федерацийĕнчи Вĕрентекенпе ăс паракан çулталăкне тата Чăваш Республикинчи Телейлĕ ачалăх çулталăкне халалланă «Чăваш ачи чăвашах» республика шайĕнчи 7-мĕш фестивале хутшăнма чĕнетпĕр. Ăна Чăваш Республикин вĕренÿ институчĕ тата Муркаш муниципаллă округĕн Калайкасси шкулĕ йĕркелеççĕ.

Фестиваль 2023 çулхи ака уйăхĕн 8-мĕшĕнче Муркаш муниципаллă округĕн Калайкасси шкулĕнче иртет, 9.00 сехетре пуçланать. Адресĕ: Муркаш муниципаллă округĕ, Калайкасси ялĕ, Çамрăксен урамĕ, 3-мĕш çурт.

Фестиваль ăмăртăвĕсем:

• «Вĕрентетпĕр чăвашла» (чăваш чĕлхи предметне вĕрентмен учительсем хутшăнаççĕ, чăвашла уроксем кăтартаççĕ);
• «Савăнатăп эп чăваш пулнишĕн» (кĕçĕн классенче вĕренекен ачасем чăваш халăхĕн пĕр-пĕр йăлине кăтартса параççĕ);
• «Сар каччăпа сарă хĕр» (7-9 классенче вĕренекен ачасем чăваш халăх историне, культурине, чĕлхине, йăли-йĕркине пĕлнине ăс-тăн вăййинче кăтартаççĕ);
• «Тăвалла пулсан та малалла» (шкулта чăвашлăх туйăмне аталантаракан чи ăнăçлă проектсене шкул директорĕ е унăн çумĕ хӳтĕлет).

Фестивале хутшăнма ака уйăхĕн 5-мĕшĕччен kalai-vr@mail.ru электрон адреспа çыру ярса пĕлтермелле.

Тĕплĕнрех фестиваль положенине вуласа паллашăр.

Ыйтса пĕлмелли телефонсем:

8 (83541) 65-2-53 – шкул директорĕ Ершова Татьяна Аркадьевна.

8-927-846-11-73 – директор çумĕ Портнова Эльвира Владимировна.

8-967-794-66-46 –  Вĕренÿ институчĕн чăваш чĕлхипе литература кафедрин ертÿçи Егорова Анна Семеновна.

8-905-029-39-41 –  Вĕренÿ институчĕн чăваш чĕлхипе литература кафедрин методисчĕ Петрова Людмила Германовна.