Иван Яковлева халалласа
Чăваш Республикин вĕренÿ институчĕ шкулчченхи вĕренӳ организацийĕсенче тата 1-4 классенче ăс пухакан ачасене 2023 çулхи пуш уйăхĕн 16-мĕшĕнчен пуҫласа ака уйӑхӗн 17-мӗшӗччен Иван Яковлевӑн калавӗсем тӑрӑх хатӗрленӗ инсценировкӑсен регионсен шайӗнче ирттерекен конкурсне хутшӑнма йыхравлать.
Конкурс инçет мелпе иртет.
Конкурса хутшăнмалли заявкăна тата инсценировка ссылкине https://forms.yandex.ru/u/6412efd002848f00b32c5cb2/ каçăпа ака уйăхĕн 10-мĕшĕччен ярса памалла.
Тулли информаципе Чăваш Республикин вĕренӳ институчĕн сайтĕнче https://chrio.rchuv.ru/ паллашма пулать.
Конкурс çинчен Интернет тетелĕсенче информации вырнаçтармалли хэштег: #Яковлев175лет.
Пултаруллă ачасене Иван Яковлевӑн калавӗсем тӑрӑх хатӗрленӗ инсценировкӑсен конкурсне хутшăнма чĕнетпĕр!